|
| 曾蔭權與梁家傑針鋒相對，展開激辯。中評社圖片 |
中評社香港3月2日電／香港歷來首次特首選舉候選人辯論昨上演，曾蔭權及梁家傑透過電視直播，面向全港市民就政綱作出激辯。兩人就爭取2012普選、政府儲備常識、曾蔭權18個月政績等議題，針鋒相對，精彩對答摘要如下：
一、論財政儲備
選委梁廣熔問：梁生，你在政綱裏話香港儲備有九千億元，你有無計錯數呢?你身為立法會議員，每年有份投票通過財政預案，你到底有無分析財政預算案呢?
梁：的確我們儲備、政府資產有超過九千一百億元。如果要講經濟，必需要講講昨日發表的財政預算案，的確係派咗好多糖，但如果你係好似我這個年紀的人，“上有高堂、下有仔女”……香港長遠面對好多問題，人口老化、無宿位老人家、教育醫療如何做得更好，這些應該趁我哋有錢盡快做，不是派錢，慳咗差餉就為之好。
曾：或者Alan（梁的洋名）清楚政府的公共財政的分別，講九千億元相信講外匯儲備，同政府盈餘係兩件事。外匯基金係抵押港元，屬於發鈔銀行，不是屬於特區政府，所以不能任意動用，梁生看清楚條款就會明白。
梁：財政看法好清楚，外匯儲備支持港元 發鈔同港元同美金掛鈎係三千幾億元，裏面有撥備三千幾億做公務員長俸。我不同意曾先生講，我仍然覺得九千一百億係政府儲備，至於幾多可以動用，大家可以講吓，外匯基金唔可以用……但九千一百億係對的。
曾：希望經濟分析員無聽到，如果唔係今日股市跌到這樣，你再講我好驚添。
二、論2012普選梁稱可以“過三關”
選委麥業成問：作為行政長官……在2012年，香港市民可以選特首同立法會議員？你支持不支持？
梁：我不似曾先生，將個波交俾北京，跟住交俾民主派，又話要寫報告，又話你哋無一個方案。我從頭到尾都支持雙普選，2012雙普選係我的目標，一定要達到。《基本法》裏不需改任何條文可以做得到，關卡係特首同意、四十位立法會議員同北京的同意。如果選到我，第一個關卡無咗，如果○八年四十位立法會議員支持就可以…… |
