|
| 布少明不諱言今日樓市氣氛與97年相似。資料圖片 |
中評社香港6月1日電／廿年來樓市高低起伏，另一本地龍頭代理掌舵人、美聯物業住宅部行政總裁布少明，對於1997年至2003年之間的樓市泡爆感受至深，當年樓價插水、新盤劈價、發展商委託銷售，均是樓市轉捩點的印記。
全民炒樓 泡爆現破產潮
香港文匯報報道，1997年金融風暴樓市泡沫爆破，時為荃灣區主管的布少明，見證地產界的轉變，並經歷種種新秩序的誕生。“當時樓價落得好深，做咁多年地產都未見過，都估唔到樓價會跌七成。家睇返97當時個樓價係非常之癲，當時人都仲覺得有得升，九成幾供樓負擔比率，大家都仲覺得無問題喎，甚至代理都炒埋一份。”惟及後樓市一轉向，銀主盤隨即湧現，並爆發破產潮。“今日個氣氛都似97，就係大家都會覺得樓價係會繼續上升，幾大都要上到車買到樓。”不過，他補充，有賴近年政府出辣招，現時炒賣風氣不及當年瘋狂，令1997年每月逾千宗“摩貨”情況不復見。
對於布少明來說，1997年至2003年間亦堪稱是“一手盤新紀元”的誕生。他憶述，1997年前發展商無須委託代理賣樓，“ 佢地揀支旗賣樓就已經排曬隊，唔使搵代理。”不過，樓市泡爆後，發展商搵客難，於是開始委託代理行全天候搵客促銷。其中，較早期委託代理銷盤有青衣曉峰園，布少明形容當時十分誇張，“晚晚賣樓賣到半夜兩三點， 雖然泡沫係爆破，不過發展商劈價兩三成，仲有人追捧，點知係仲未見底，發展商要不斷劈價，買一個輸一個。”
二手萎縮 代理賣新盤紀元
回想香港臨近回歸時，每月二手交投量均逾萬宗，但隨樓市泡爆、交投萎縮，代理行轉向新盤市場。布少明憶述，“好多要學習，日日同同事開會討論點樣做。亦於此時起出現‘街霸’，於街頭邀客參觀示範單位，甚至衝出馬路攔車。有同事接受唔到，認為好似扮樹、咁鬼死瘀。隨二手唔夠養，部分代理就逐漸被淘汰，有做到，響呢行繼續做，甚至上位。”
展望新政府上台，布少明期望可盡快回應首置人士需求，“家社會最大的怨氣在於上車難，我認同林鄭主張起‘首置樓’，提供較優惠的價錢，讓首置客上車。”他又建議設限制，例如10年內不准轉售，避免資源遭濫用，從而令首置需求得以消化。 |
