中評社香港11月9日電／據大公報報導，都市噪音擾民一直是老大難問題，大公報記者近日在土瓜灣炮仗街，發現有傳統五金回收店舖開設在舊樓地下，工人正在馬路邊又揼又鋸“解剖”電器，持續發出約100分貝的噪音，震耳欲聾。
樓上居民大嘆無奈：“有本事你咪搬走囉！邊有辦法，我哋呢啲‘蟻民’有得要求生活質素咩？”有測量師指隨著社會進步，這類輕工業應逐漸遠離民居，但面對土地問題及工廈區亦正在轉型，相關行業難有搬遷選擇。規劃署前署長和測量師認為要徹底解決問題，可優先重建相關舊區，解決噪音擾民問題。
陳先生說：“我就住呢間舖（五金回收店）樓上四樓，梗係嘈啦！呢啲收爛銅爛鐵，‘乒鈴嘭唥’，又響又刺耳，不知幾難頂！有時佢哋有貨到，仲會喺舖外面馬路邊拆電器和大型傢俬，好似冷氣機、雪櫃之類。當有垃圾車或者大貨車嚟車嘢走，工人將回收廢物拋上車，嘭嘭聲好似打樁咁，又阻街。我屋企隻窗從來都唔開，叫做隔一隔啲噪音，但係日頭一樣嘈到我唔想留喺屋企。”
“我哋有得要求生活質素咩？”
他坦言沒有方法應對噪音，只能強迫習慣與噪音為伴：“可以點啊？香港地係咁㗎啦！附近仲有兩三間呢類五金回收舖，大把人投訴但係都唔見有咩改善，我哋無可奈何先迫住習慣佢（噪音）。有本事你咪搬走囉！邊有辦法，我哋呢啲‘蟻民’有得要求生活質素咩？其實最好係佢哋集中搬去啲工廈。”
事實上，記者訪問超過20名途經的街坊及樓上住戶，對噪音滋擾的感受和有什麼對策，逾九成受訪者不約而同表示“無諗過”這個問題，噪音似乎已成為他們生活的一部分，就似理所當然。
|
