中評社香港5月30日電／澳門政府撤回《候任、現任及離任行政長官及主要官員的保障制度》法案，作為法案受惠者之一、以非公務員身份獲委任為主要官員的經濟財政司司長譚伯源支持撤案，但認為有必要建立官員的退休保障制度，並需更廣泛深入諮詢社會。但作為有關制度的關係人，未來在諮詢中，不會給予任何意見，“若社會認為非公務員的主要官員應有保障，就有；若不認同，就冇囉。”
冇談過條件保障
據《澳門日報》報道，譚伯源是現任主要官員中非公務員出身，離任後沒有退休保障。如何看待撤案後保障減了？譚伯源稱，“保障冇減低，因為現時都冇保障，又冇公積金又冇退休金，故冇減低問題，因為根本就冇。”“因十四年前上任主要官員時，我哋當時都冇考慮過是否應有合約、任職年期及條件，當年回歸初期，大家對特區建設有共同期望，故當時冇傾過。作為非公務員主要官員，因為是行政長官提名、中央委任，冇合約保障。坦白講，隨時炒魷魚都冇所謂，亦冇傾過薪酬條件或退休保障。”
他認為未來有需要建立制度，“因十四年前係咁諗，但唔知十四年後下一任主要官員會否同意冇任期保障、冇任何薪酬條件的界定等。若他們都為全面全情為社會貢獻而樂意任主要官員，相信好多人會做，但有制度會較合理。”
若未來制度建立後但不設追溯，會否覺得委屈？譚伯源稱“我個人考量已不重要，若委屈都已委屈了十四年多。”但離任後限制工作，因非公務員出身，並無任何保障，會否有問題？譚伯源回應指，“視乎大家點睇，不要再考慮我個人問題，因為我自己都冇考慮十四年多。現階段認為制度的建立是為未來入職的官員能更公平，但現在做緊嘅，就由佢啦！”
已委屈十四年多
就個人而言，是否有又得冇又得？譚伯源笑稱，“老實講，我唔知自己有幾多歲命，以往積蓄夠唔夠退休或有生之年用，我不敢講。有句話坐食山崩，但問題是現階段在此制度建立過程中，我作為關係者，不會給予任何意見。我個人考量，大家可以忘記，因為忘記我已十四年多，不妨現在都忘記我啦！” |
