中評社香港6月3日電／ 合同工不覺被當公務員，公僕唔理身份參與遊行。
據《澳門日報》報道，“五·二五”萬人上街遊行要求政府撤回“高官離補法案”，人數雖未破小城開埠紀錄，但已是回歸後之最，當中不乏第一次參與遊行的市民，以及以往不多見的公務員身影，阿永便是其一。“今次遊行其實我唔係以咩公務員身份，係以市民個人角度，覺得（法案）好有問題，所以先唔理公務員身份都去遊行。”
畢竟帶著“公務員”頭銜，不怕被秋後算帳？阿永透露家人亦曾提醒他，擔心遊行會影響工作，或被刻意刁難，但他堅持豁出去，“我啲咁嘅小人物都要針對，咁我情願唔做，大是大非面前唔可以屈服，我知道好多同事都有遊行。”更自嘆以個人勞動合同方式受聘、長期同工不同福利的他是否也屬公職之列，“成日話公務員、公務員，講嚴格啲，我都唔覺你有當我係公務員。”
他有感自己所屬政府部門冇問責可言，“有事最多話兩句”，較以往在私企任職“柴娃娃”得多，“以前喺私人公司，就算我做細都好，都要負返我嗰部分工作嘅責任，做錯事真係畀人鬧得好應棍，甚至要為你做錯嘅事，逼到你引咎辭職”，與現在任職政府部門大相逕庭。
阿永坦言，本屬政治冷感，認為遊行、選舉投票等社會參與作用不大，此次是人生第一次遊行，相信不會是最後一次。“嗰日好熱血，最後成功撤回法案，覺得好值得，以後再有（遊行）都會出去。”他指遊行“一人一個人頭”代表民意，“呃唔到人”，相信每位市民走出來表達意見都有貢獻。經此一役，他發覺身邊朋友都變得“厚多士”（好多事），較以往熱心關注時事，社會正一點點地改變。 |
