中評社香港1月17日電／據大公報報道，司法改革呼聲不斷，“黃官”審案照樣我行我素。曾稱掟汽油彈少年係“優秀細路”嘅裁判官水佳麗，14日審理一宗暴亂案時竟形容三名被控襲警及在公眾地方管有攻擊性武器罪嘅被告係“上進小孩”，仲話明白佢哋一時衝動犯案，要將良好青年判監實在不愉快和可惜。水官言論在網上引起熱議，市民怒斥：“做裁判官竟然對判刑感不快，咁就辭職唔好撈啦，使乜咁多感受啊？你其實仲可否持平客觀審理案件呀？”
無獨有偶，當日審理嘅另一宗案件亦有類似情況。案情關於前年八月中機場被大批示威者佔領，一名警員執勤期間被10多名示威者圍毆襲擊更搶去警棍，警員喺生命受威脅情況下拔槍示警才得以脫離險境，辯方喺區域法院審理時聲稱，警員當日撞倒女子而被大批示威者圍毆，法官郭啟安竟追問警員：“你高高大大、英明神武，撞低一個矮矮細細嘅女仔，好似蝦人咁，會唔會其他人睇唔過眼？走埋嚟打你？”有市民喺網上直言：“睇唔過眼就可以襲警？我見到你咁樣審案，就真係睇唔過眼啦！” |
