范太多次被問及是否被北京勸退，但均無正面回應，只說“呢個係我個人決定，唔希望牽連任何機構、任何人士或者中央，啱嘅、錯嘅，由我嚟承擔，唔需要將責任推喺其他人身上。”她又說，“大家如果想知北京做過咩，等北京自己解釋，同我無關。”她亦暗批不同陣營的消息人士，“咩營、咩營，冚把唥（全部）隱形，希望講咩光明正大出嚟講。”
外界關注范太現時與唐英年的關係，她指其決定與唐英年無關，又指自己於09年底主動鼓勵時任政務司長的唐英年參選特首，“我諗住由政務司長參選下屆特首，係一個比較順理成章嘅發展，我當時應承佢，我會支持佢，我亦履行承諾……”但她承認自己只顧履行承諾，無考慮對市民的承擔，“所以後來好多人同我講，話我唔選好失望，所以我話唔排除參選……”，她承認支持唐英年參選與自己不排除參選，兩者間有矛盾，“所以我本人民望大幅下降，呢個係我應該付出嘅代價，我接受！”
提四準則決定投票取態
本身是必然選委的范太說，雖然她鼓勵及支持唐英年參選，但不代表她的一票必定投給唐英年，“將來點樣投票，我需要以香港人最大利益為大前提，我已犯過一次錯，將自己諾言擺喺香港人利益之前……”她指自己會以4個準則作為日後投票取態，包括候選人的政綱、治港理念、競選論壇表現及班底，“如果我咁盲目話我應承咗你，一路支持到底，我諗你哋都唔希望我係咁樣……做事應該客觀，唔應該因為個人喜惡超越客觀分析。”她並表明不會給任何人提名和助選，亦不會加入下屆政府。
曾公開批評梁振英的范太，無回應有否改變對他的看法，只重申上述的4個準則，“如果呢4方面大家比併，（屆時）我對邊個有信心，我就傾向支持佢。”雖然范太已打消參選念頭，但她仍會在個人網頁發表文章，表達對一些問題的看法，希望有關建議日後可落實，但她否認此舉是意圖當“造王者”，“我絕對冇資格做造王者，做造王者要有權有勢，我係中產，絕對冇資格造王。”
范太12日出席公開場合時，還指月底前決定是否參選，但原來她早於十日前已作決定，至於甚麼是轉捩點？“好簡單，我俾你哋（記者）迫得好緊，日日去親論壇，次次有人問我到底選唔選，愈問就愈火滾，好似我依家喺度拖延，如果你哋迫得我咁緊要，我咪盡快決定。”
對於范太不爭取參選特首，唐英年指尊重她的決定，他無正面回應自己是否已失去范太支持，只說若自己參選，會盡最大努力爭取每位市民支持。梁振英亦指尊重范太決定，他會按自己計劃“備選”，並希望日後與范太可繼續溝通，相信將來彼此會有許多共同語言。
新民黨主席葉劉淑儀說，范太的決定不會影響其參選特首部署，又指自己與范太相似，在同一大學畢業，亦在港島區當選立法會議員，並獲婦女及專業人士支持，相信少了一名疑似參選人，令她更容易爭取到150名選委提名參選特首。另外，計劃參選特首的民主黨主席何俊仁說，范太不爭取參選特首，只影響獲北京認可的疑似候選人之選情，對民主派候選人並無太大影響。
前港區人大代表吳康民說，特首選戰一直是唐、梁之爭，范太不參選，相信對選情並無影響，並相信范太是有自知之明，而不是被北京勸退，“可能佢有自知之明，覺得依家民望、參選基礎、班底、影響力、佢嘅社會基礎各方面都不及其他兩個人，所以佢知難而退。”時事評論員劉銳紹則認為，范太一直無積極組班，其實是等待北京的暗示，“我諗中央未必有咩暗示，喺中國政治文化，有時冇暗示就係唔想你參選嘅訊號，我諗范太等咗一段時間亦無乜跡象，佢亦知道自己機會。”他認為，范太不參選，相信對唐英年陣營稍為有利。（來源：am730） |
