中評社香港8月16日電／據大公報報道，亂港壹傳媒旗下《蘋果日報》連年虧損，營運困難，鄭晴留意到，除咗裁員之外，毒媒近期仲不時要求讀者“課金”續命。肥佬黎早兩日因涉嫌違反香港國安法被拘捕，壹傳媒股價如過山車般大上大落，繼續靠害股民，盲目跟風入市嘅人可謂一殼眼淚。
“廣告商”署名大部分係網名
昨日《蘋果日報》又出新招，疑似製造廣受市民支持的假象，將報章面版及內頁13個全版當作所謂“連儂墻”，印上各種挺《蘋果日報》文宣，聲稱三日內獲得超過500個廣告商支持，這些廣告足以支撐其繼續經營下去云云。
不過，細心嘅讀者不難發現，《蘋果日報》近年由於鼓吹暴力，煽動反修例，不得人心，廣告商日漸減少，而今次所謂500個“廣告商”嘅署名，絕大部分都類似網名，例如“長期讀者”、“香港蘋民”、“WE ARE 神經病”等。鄭晴睇到，有市民喺網上精警留言話：“像這樣的廣告商，不要說500個，5000、五萬都輕而易舉啦！”亦有市民溫馨提示，“還記得買壹傳媒股票被割韭菜嗎？現在呃人手法真是層出不窮！”
鄭晴就覺得，毒媒毒害香港廿幾年，日薄西山下扮悲情，眼睛雪亮的市民不會咁易受騙。 |
